Նիդերլանդներ

Բնակչությունը

Նիդերլանդների էթնիկ կազմը միօրինակ է: Մեծ մասը (83%) կազմում են հոլանդացիները, որոնք ապրում են երկրի հյուսիսային, արևելյան և կենտրոնական շրջաններում:

Լեզու

Երկրի միակ պետական լեզուն նիդերլանդերենն է, որը կոչվում է նաև հոլանդերեն:

Կրոն

Ներկայումս միակ պետական կրոնը համարվում է քրիստոնեության կաթոլիկ ուղղվածությունը: Բողոքականները կազմում են բնակչության 11.4 %-ը:

Մշակույթ

Այս երկիրը շատ բան ունի ցուցադրելու իր հյուրերին՝ համաշխարհային համբավ ունեցող թանգարաններ, աշխույժ և բազմազան թատերական և մշակույթային կյանք: Այստեղ ամեն տարի անցկացվում են միջազգային հետաքրքիր փառատոներ: Նկարչության ոլորտում Նիդերլանդներն ունի բազմադարյա ավանդույթներ և աշխարհին է տվել այնպիսի արվեստագետների, ինչպիսիք են Ռեմբրանդտը, Ֆրանս Հալսը, Վան Գոգը և Պիտ Մոնդրեանը:

Խոհանոց

Հոլանդական ազգային խոհանոցն առանձնանում է իր «գյուղական» հիմքերով, առաջին հայացքից չհամադրվող մթերքների լայն կիրառմամբ և ծովամթերքի պատրաստման հրաշալի ավանդույթներով: Անհնար է պատկերացնել հոլանդական խոհանոցն առանց բազմատեսակ տաք բուտերբորտների: Ալկոհոլային խմիչքներից հոլանդացիները նախընտրում են գարեջրի և օղու բոլոր տեսակները՝ նախընտրությունը տալով ջինի նմաններին: Երկրում պատրաստվում են նաև բարձրակարգ լիկյոռներ, որոնցից առավել հայտնի է "Bitter Orange"-ը:

Կլիմա

Նիդերլանդներում կլիման չափավոր ծովային է, խոնավ, բավականին քամոտ և հաճախակի անձրևոտ: Հունվար ամսվա միջին ջերմաստիճանը կազմում է +1-3°C, իսկ հուլիսին՝ +16-17°C:

Տրանսպորտ

Այստեղ ավտոբուսներով երկար ճանապարհներ գնալը այնքան էլ հարմարավետ չէ: Մեքենաները համարում են ամենահարմարավետ տարբերակը, հատկապես գյուղական շրջաններ գնալու համար: Տաքսիների գները բավական բարձր են: Եթե ուղեվարձի մասին պայմանավորվել եք նախապես, ապա պետք է հենց այդչափ գումար վճարեք կամ այն գումարը, որը կլինի հաշվիչի ցուցմունքի վրա՝ կախված թե որն է ավելի ցածր: