Հարավաֆրիկյան Հանրապետություն

Բնակչություն

Բնակչությունը կազմում է մոտ 47մլն. մարդ: Այստեղ բնակվում են տարբեր ռասսաների, մշակույթի և կրոնի մարդիկ: Էթնիկ կազմը հետևյալն է՝ զուլուսներ, կոսաներ, սոտոներ, Նիգերիայից և Զիմբաբվեից արտագաղթյալներ (80%), սպիտակամորթեր (հոլանդացիներ, գերմանացիներ, ֆրանսիացիներ):

Լեզու

Հարավաֆրիկյան Հանրապետությունում հաստատված են 11 պետական լեզուներ: Անգլերեն խոսում է բնակչության շուրջ 8,6%-ը, այն տարածված է աշխատանքային և պաշտոնական ոլորտներում:

Կրոն

Բնակչության 80%-ը քրիստոնեաներ են: Այլ կրոններից են իսլամը, հինդուիզմը, իուդիզմը: Բնակչության ոչ այնքան զգալի մասը չի հարում հիմնական կրոններից ոչ մեկին և ունի ավանդական կրոնական համոզմունքներ:

Մշակույթ

Հարավային Աֆրիկայի մշակույթը կարելի է համեմատել բազմաշերտ տորթի հետ, որի ամեն մի շերտը հանդիսանում է յուրաքանչյուր ցեղին բնորոշ եզակի մշակույթային ավանդույթները: Այստեղ միախառնված են սևամորթ աֆրիկացիների անփոփոխոխ մշակույթային հարստությունները, անգիացիների և ասիացիների ավանդույթները:

Բոլոր այս մշակույթները կարելի է ուսումնասիրել ինչպես առանձին-առանձին, այնպես էլ՝ սինթեզված, քանի որ դրանք վաղուց արդեն միաձուլվել են և դարձել Հարավաֆրիկայն Հանրապետության յուրօրինակ «մշակույթային կոկտեյլ»: 

Խոհանոց

Տեղի անվանդական խոհանուցում համատեղվում են բազմաթիվ երկրների ավանդույթներ: Այստեղ կարելի է հանդիպել արևելյան և եվրոպական խոհանոցներին բնորոշ համային առանձնահատկություններ:

Ազգային խոհանոցի առանձնահատկություններից է համարվում այն, որ ուտեստների բաղադրատոմսերը, կախված շրջաններից, անճանաչելիորեն փոխվում են: Պատրաստման ժամանակ պարտադիր օգտագործվում է տեղական որևէ սոուս կամ խոտաբույս, համեմունք կամ բանջարեղեն: Փոխվում են ոչ միայն բաղադրատոմսերն, այլև մատուցման եղանակները: Այստեղ խորհուրդ է տրվում ուտել հանրահայտ «կինգկլիպ» ձկնատեսակը, մալայական բաղադրատոմսով պատրաստված օձաձուկ, աղցանով և մրգերով խեցգետին, ծխեցված տառեխ սոխով, շնաձկան լողակներ, ծովամթերքից պաշտետ, ծովաոզնու խավիար և ծովամթերքով պատրաստված շատ ուրիշ ուտեստներ: Ոչ ալկոհոլային խմիչքներից ամենատարծվածը սուրճն է, իսկ ալկոհոլայիններից, իհարկե, գինին:

Կլիմա

Կլիման տրոպիկական և սուբտրոոպիկական է: Հունվար ամսվա միջին ջերմաստիճանը հասնում է մինչև 18-27°C, Ատլանտյան օվկիանոսի առափնյա շրջաններում տեղումները հասնում են մինչև 60մմ: Արևելահարավային շրջաններում սուբտրոպիկական անտառներ են, փշատերև թփուտներ, լեռնային հատվածներում՝ սուտրոպիկական և մուսսոնային անտառներ, ներքին շրջաններում՝ անմարդաբնակ սավանա, կիսաանապատային մացառներ և Կարրի անապատը:

Տրանսպորտ

Քաղաքային հասարակական տրանսպորտը զարգացած է շատ թույլ: Ավտոբուսները շատ հազվադեպ են հանդիպում, իսկ հանգստյան օրերին՝ ավելի հազվադեպ: Երթուղային տաքսիները նախատեսված են սևամորթների համար և վտանգավոր են սպիտակամորթ մարդկանց համար: Տաքսիներ շատ դժվար է գտնել փողոցներում: Հարկավոր է գտնել հատուկ կայանատեղիներ, ինչը շատ դժվար է: Տաքսի հարմար է պատվիրել հեռախոսով: