Ճապոնիա

Բնակչությունը

Ճապոնիայի բնակչությունը կազմում է ավելի քան 12մլն. մարդ: Էթնիկ կազմը՝ ճապոնացիներ (98%), կորեացիներ, չինացիներ և այլ ազգեր (2%):

Լեզու

Պետական լեզուն համարվում է ճապոներենը: Լայն տարածում ունի նաև անգլերենը:

Կրոն

Ճապոնիայում գործում է 2 հիմնական կրոն՝ բուդդայականություն և սինտոիզմ: Բացի այդ, որոշակի տարածում ունեն քրիստոնեությունը և տարբեր աղանդները:

Մշակույթ

Ճապոնական մշակույթը ձևավորվել է պատմական գործընթացի հետևանքով, որը սկսվել է ճապոնացիների նախնիների էմիգացիայով: Ճապոնիայի մշակույթի վրա մեծ ներգործություն է ունեցել աշխարհագրական դիրքը, կլիման, ռելիեֆը, ինչպես նաև՝ մշտական բնական կլիմայական աղետները (երկրաշարժեր, ցունամիներ), որոնք հանգեցրել են բնությանը որպես կենդանի օրգանիզմ վերաբերվելու ավանդույթին: Բնության առանձնահատկություններով հիանալու ունակությունը ներգործել է նրանց կենսակերպի և արվեստի բնագավառում:

Խոհանոց

Ճապոնական խոհանոցի ամենակարևոր հատկանիշը կայանում է նրանում, որ յուրաքանչյուր ուտեստ նախատեսված է որոշակի իրավիճակի համար: Իսկական ճապոնացի խոհարարը որևէ բան պատրաստելուց առաջ հաշվի է առնում մթերքի տեսակը, ուտելու ժամանակը, եղանակը և, նույնիսկ, սնվողների տարիքը: Այդ իսկ պատճառով ձմռանը ճապոնական խոհանցում ավելանում է ուտելիքի չափաբաժինը, իսկ ամռանը՝ պակասում, իսկ երիտասարդների չափաբաժինը ավելի մեծ է լինում, քան տարեցներինը: Հետաքրքիր է նաև այն փաստը, որ երկրի հուսիսում գտնվող ժողովուրդն ավելի շատ քանակությամբ է ուտում, քան հարավի ժողովուրդը:

Կլիմա

Ճապոնիայի կլիման հիմնականում փափուկ է և խոնավ: Ձմռանը Խաղաղօվկիանոսյան ափերի շրջաններում ջերմաստիճանը շատ հազվադեպ է իջնում 0 աստիճանից ցածր: Գարունն ամենահարմար եղանակն է Ճապոնիա այցելելու համար, քանի որ ջերմաստիճանը արդեն 10C-ից բարձր է և երկնքում շողում է արևը: Ճապոնական ամառը սկսվում է հունիս ամսից անձրևների սկսվելու հետ մեկտեղ և ձգվում է 2-3 շաբաթ:

Տրանսպորտ

Տոկիոյի քաղաքային տրանսպորտը շատ զարգացած է և բաղկացած է ավտոբուսներից, մետրոյից տարբեր երկաթուղային տրանսպորտներից (մետրո, գնացքներ, մոնոռեյլս) և տաքսիներից: Տոկիոյի տրանսպորտը ամեն օր սպասարկում է մի քանի միլիոն մարդու: Յուրաքանչյուր թաղամաս ունի իր կանգառների համակարգը: Տոկիոյի տաքսիները համարվում են աշխարհում ամենաթանկերից մեկը: Մեքենա նստելուց անմիջապես գրանցվում է 650իեն,  որից հետո յուրաքանչյուր 280մ-ի համար կրկին 80իեն: Յուրաքանչյուն 2 րեպե 15 վայրկյան սպասելու համար վճարվում է 90իեն: